(1)
Duniya Me Itni Rasme Kyu Hai,
Pyaar Agar Zindagi He To Isme Kasme Kyu Hai,
Hame Batata Kyu Nahi Koi Ye Raaz,
Dil Agar Apna Hai To Kisi Aur Ke Baas Me Kyu Hai..
(2)
Dil Ki Khwahish Ko Naam Kya Du,
Pyaar Ka Unhe Paigaam Kya Du,
Is Dil Me Dard Nahi Magar Yadein Hai Unki,
Ab Yadein Hi Mujhe Dard De To Unhe Ilzaam Kyadu..
(3)
Chehre Ki Har Muskaan Ban Jaata Hai Koi,
Dil Ki Har Dhadkan Ban Jata Hai Koi,
Fir Kaise Jiyenge Zindagi Unke Bin,
Jab Zindagi Jine Ki Wajah Ban Jata Hai Koi..
(4)
Nasha Jaruri Hai Zindagi Liye,
Par Sirf Sharab Hi Nahi Hai Bekhudi Ke Liye,
Kisi Ki Mast Nigahon Me Doob Jao,
Bada Haseen Samander Hai Khudkhushi Ke Liye..
(5)
Har Raat Ek Naam Yaad Ata Hai,
Kabhi Subha Kabhi Sham Yaad Ata Hai,
Sochte Hai Hum Kar Le Dusri Mohabbat,
Fir Pehli Mohabbat Ka ANJAAM Yaad Ata Hai..
(6)
Aansu Aa Jate He Aankho Me,
Par Hotho Pe Hasi Laani Padti Hai,
Ye Mohabbat Bhi Kya Chiz He Yaaro,
Ek Se Karte He Or Hazaro Se Chhupani Padti Hai..
(7)
Sapna Hai Aankhon Me Magar Neend Nahi Hai,
Dil To Hai Jism Me Magar Dhadkan Nahi Hai,
Kaise Bayan Kare Apna Haal-E-Dil,
Jee To Rahe Hai Magar Zindagi Kahi Aur Hai..
(8)
Humne To Mohabbat Mein Use Khuda Bana Dala Tha,
Ae Yaaron…
Hosh To Tab Udd Gaye, Jab Usne Kaha-
‘Khuda Kisi Ek Ka Nahi Hota..’
(9)
Har Raah Ek Nayi Manzil Hai,
Kadmo Ko Sambhalna Zara Mushkil Hai,
Ek Achcha Sathi Agar Saath Na Ho,
To Dhoop Kya Chhaw Me Bhi Chalna Mushkil Hai..
(10)
Hum Ruthe Dilo Ko Manane Me Reh Gaye,
Gairo Ko Aapna Dard Sunane Me Reh Gaye,
Manzil Hamare Karib Se Gujar Gayi Or,
Hum Dusro Ko Raasta Dikhane Me Reh Gaye..
(11)
Palkon Me Aansu Aur Dil Me Dard Soya Hai,
Hasne Walo Ko Kya Pata Rone Wala Kitna Roya Hai,
Ye To Bas Wahi Jann Sakta Hai Jo,
Zindagi Me Kisi Ko Pane Se Pehle Khoya Hai..
(12)
Gehrayi Pyaar Me Ho To Bewafai Nahi Hoti,
Sache Pyaar Me Kabhi Tanhai Nahi Hoti,
Pyaar Jara Sambhal Ke Karna,
Pyaar Ke Zakhm Ki Koi Dawai Nahi
(13)
Q Kabhi Na Aaye Wo Mere Sath Chalke,
Hamesha Gaye Wo Mujhe Nazar Andaz Karke,
Maut Par Meri Wo Aaye To Keh Dena,
Abhi Abhi Soye He Tujhe Yaad Karke..
(14)
Tanhaiyo Me Rone Ka Mazaa Kuch Aur He,
Dilon Ke Tootne Ki Wajah Kuch Aur He,
Na Aansu, Na Maut, Na Zindagi,
Pyaar Karne Walon Ki Saza Hi Kuch Aur He..
(15)
Uski Chahat Ne Hume Rulaya Bahut,
Uski Yaadon Ne Hume Tadpaya Bahut,
Hum Unse Bahot Mohabbat Karte Hain,
Is Majburi Ko Usne Azmaya Bahut..
(16)
Muskurate Labon Ko Aansu Pila Diya,
Mohabbat Ka Karz Tha Usne Chuka Diya,
Maine Kaha Dil Me Mohabbat Ki Roshni Kardo,
Usne Isi Bahane Mera Dil Hi Jala Diya..
(17)
Me Apke Pyaar Me Kuch Aisa Kar Jaunga,
Ban Ke Khushbu Fiza Me Bikhar Jaunga,
Bhulna Chaho To Saanso Ko Rok Lena,
Saans Loge To Main Dil Me Utar Jaunga..
(18)
Dard Itna Tha Shamil Zindagi Me,
Ki Dhadkan Bhi Sath Dene Se Ghabra Gayi,
Band Thi Aankhen Kisiki ‘Yaad’ Me Is Kadar,
Ki ‘Maut’ Bhi Ayi To ‘Dhokha’ Kha Gayi..
(19)
Mumkin Nahi Shayad Kisi Ko Samaj Pana,
Samje Bina Kisi Se Kya Dil Lagana,
Aasan He Kisi Ko Apni Pasand Banana,
Par Bahot Mushkil He Kisi Ki Pasand Ban Pana..
(20)
Kisi Shayar Ki Bat Par Aitbar Mat Karna,
Dosti Ki Had Kabhi Paar Na Karna,
Kho Denge Use Hamesha Ke Liye,
Isiliye Jo Sabse Achcha Lage Usse Kabhi Pyar Na Karna..
(21)
Khwab Dekhne Ki Jab Aadat Ho Jati He,
Haqiqat Be-Rang Nazar Aati He,
Koi Jeene Ke Liye Intezar Karta He Or,
Kisi Ki Zindagi Intezar Me Beet Jati He..
(22)
Kitna Gehra Pyaar Karte Hai Hum Unse,
Kash Unko Bhi Kabhi Ehsaas Ho Jaye,
Par Aisa Na Ho Ki Wo Hosh Me Tab Aaye,
Jab Hum Gehri Neend Mein So Jaye..
(23)
Kitna Pyaar He Unse Ab Wo Jann Le,
Wo Hi He Zindagi Meri Ye Baat Man Le,
Unko Dene Ko Kuch Nahi Paas Hamare,
Bas Ek Jaan He Jab Jee Chahe Mang Le..
(24)
Ek Khamoshi Beqarar Kar Jati He,
Ek Khamoshi Iqrar Ban Jati He,
Pyaar Karo To Kabhi Khamosh Mat Rehna Kyu K,
Kabhi Sirf Ek Khamoshi Zindagi Bhar Ka Intezar Ban Jati He..
(25)
Ye Dil Na Jane Kya Kar Betha,
Mujhse Bina Puche Hi Faisla Kar Betha,
Is Zameen Par Toota Sitara Bhi Nahi Girta,
Aur Ye Pagal Chand Se Mohabbat Kar Betha...
0 comments:
Post a Comment